ՎԵՐԱՊԱՏՐԱՍՏՈՒՄՆԵՐ ՆՈՐԱԲԱՑ ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՄԱՆԿԱՎԱՐԺԱԿԱՆ ԱՇԽԱՏՈՂՆԵՐԻ ՀԱՄԱՐ

 

Սույն թվականի մարտի 16-ից ԿԶՆԱԿ հիմնադրամի կողմից  մեկնարկել է նորաբաց նախադպրոցական ուսումնական հաստատությունների մանկավարժական աշխատողների վերապատրաստումը: Վերապատրաստմանը մասնակցում են նաև լիցենզավորված, նախադպրոցական կրթական համալիր ծրագրերով աշխատող ոչ պետական ՆՈՒՀ-երի մանկավարժական աշխատողներ: 

Վերապատրաստման ընթացքում մասնակիցները ծանոթանում են՝ 

📒Նախադպրոցական կրթության պետական կրթական չափորոշչի բովանդակային  և կառուցվածքային փոփոխություններին. 

📗 Նախադպրոցական հիմնական ծրագրերի առանցքային շեշտադրումներին. 

📒 Թեմատիկ ուսուցմանը՝ որպես կարողունակահեն կրթության ապահովման նախադրյալ. 

📗Պարապմունքի պլանավորմանը ներկայացվող պահանջներին. 

📕Տարատարիք խմբերում աշխատանքի կազմակերպման առանձնահատկություններին. 

📒 ՆՈՒՀ-ում կիրառվող գնահատման համակարգի առանցքային շեշտադրումներին: 

Վերապատրաստման դասընթացը վարում են ԿԶՆԱԿ հիմնադրամի աշխատակիցներ Անահիտ Վիրաբյանը, Աննա Ամիրջանյանը, Աստղիկ Բալայանը և Սաթենիկ Հայթյանը: